Farne tider - 13. mars
Biletet er frå bryllaupet til Elisabet Prestegard Nyre og David Sausjord i 1928. / Les saka
PASSERTE NÅLAUGA: Med klarsignal frå fylkesmannen, vil politikarane på Voss no kunna avgjera kommunedelplanen for Myrkdalen sjølve. Planen opnar for åtte heisar, totalt, og 3.400 nye fritidseiningar.
Trekkjer motsegn mot Myrkdals-utbygginga
Publisert: 28.01.10 kl. 16.08
Skribent: Rolf Tepstad
E-post: rte@avisa-h.no
Fylkesmannen gjev klarsignal for Myrkdalsutbygginga. – Ein stor dag for oss, men også for heile Voss!
Det fastslo ein jublande Nils Akselberg torsdag, då han fekk melding om at fylkesmannen har trekt motsegna mot kommunedelplanen for Myrkdalen.
Kuttar ein skiheis
Voss Fjellandsby sin daglege leiar har også vore hovudarkitekt for planen, som omfattar heile bygda inst mot Vikafjellet. Storparten av fylkesmannen sine innvendingar har då også vore retta mot tiltak utanfor sjølve fjellandsbyen.
– Kva har de måtte gjeve avkall på, for å finna fram til kompromisset?
– Det mest konkrete er nok at den vestlegaste skiheisen innanfor planområdet er borte, heisen lengst mot Skjervheim. Dermed vil totalen stoppa på åtte heisar. I tillegg er det påemna hotellbygget på Skjerveimshaugen trekt noko lengre inn på ryggen, slik at det vert dempa ned mot horisonten. Her er også fleire andre endringar, men alt saman innanfor det me kan leva med. Totalen er også uendra: Her er stadig opning for å etablera 3.400 nye einingar for fritidsføremål.
Voss kan godkjenna planen sjølv
Med fylkesmannen si motsegn borte, vil Voss kommunestyre sjølv kunna godkjenna kommunedelplanen.
– Eg har i dag fått melding frå kommunen om at planen kjem opp for formannskapet alt neste torsdag. Dermed kan han få endeleg godkjenning i kommunestyret den påfylgjande onsdagen, 10. februar.
– Så dermed er du i gang med nye prosjekt alt 11. februar?
– Me kjem i alle fall til å kasta oss på neste fase straks, som er å laga reguleringsplan. Fysiske tiltak i terrenget lyt nok likevel utstå til 2011, seier Akselberg,
