Farne tider - 13. mars
Biletet er frå bryllaupet til Elisabet Prestegard Nyre og David Sausjord i 1928. / Les saka
FOR HAITI: Russejentene Synne Hirth Klovning og Synnøve Andersen skipar til konsert til inntekt for jordskjelvofra på Haiti. FOTO: TOR HALVORSEN
Trør til for Haiti
Publisert: 04.02.10 kl. 11.02
Skribent: Tor Halvorsen
E-post: th@avisa-h.no
Russen ved Voss Gymnas arrangerer konsert og auksjon for jordskjelvofra på Haiti.
17. februar vert det konsert i Kulturhuset Fraktgodsen til inntekt for det hardt råka folket på Haiti.
Redd Barna får pengane
Det er Synne Hirth Klovning og Synnøve Andersen som står i front for arrangementet, som har fått namnet Vossadugnad for Haiti.
– Det er veldig kjekt at mange stiller opp, seier dei.
Fraktgodsen frå dei låna gratis, og Vossa Jazz stiller med gratis lydanlegg. Pengane som kjem inn vert sende til Redd Barna, saman med overskotet etter russerevyen.
– I mars vert det òg ei bøsseinnsamling, seier dei to russejentene.
Linda Eide
Dugnaden skal innehalda både ein konsert og ein auksjon. Programmet er ikkje heilt klart, men det er på det reine at mange seier ja til å stilla opp.
– Linda Eide stiller både med underhaldning og med eit bidrag til auksjonen, seier Synne og Synnøve. Akkurat kva Linda Eide skal bidra med er ikkje kjend.
– Me spurde om ho kunne måla eit bilete, men ho sa ho ikkje var så flink til å måla. Så ho ville bruka «andre teknikkar». Kva det er, veit me ikkje, seier Synne og Synnøve.
