PORTRETTET: Marta steg for steg
– Viss du skal eta ein elefant, må du dela han i små porsjonar! Marta Katrine Egdetveit ler godt og hjarteleg. / Les saka
T.V: Atle Antonsen vart forbanna då han las i "Hordaland" om Statens Vegvesen som hadde brøytt den rørslehemma 80-åringen Kåre Stabæk inne. Dermed tok han traktoren og gjekk laus på isklumpane Statens vegvesen hadde lagt att i hagen til Stabæk. DANIEL MELVE KVARME | foto
Tykte synd på innestengd 80-åring
Publisert: 02.02.10 kl. 14.38
Skribent: Frode Rene
E-post: fr@avisa-h.no
Då Atle Antonsen las om den rørslehemma Kåre Stabæk som var innestengd av Statens vegvesen, tok han saka i eigne hender.
Antonsen meinte det ikkje var råd å sitja og sjå på at den 80 år gamle og rørslehemma mannen hadde vorte isolert av staten sine eigne folk. Dermed sette han seg i traktoren og køyrde ned i Brynagjelet. Der fjerna han all snøen som var lagt att i hagen til Stabæk.
Rydda på fem minutt
Eigentleg hadde Antonsen tenkt å gjera denne tenesta i det stille, men kona hans meinte at det ikkje var spesielt lurt at andre skulle få ta æra for det han gjorde. Difor ringde ho like godt til Stabæk og fortalde kva som hadde skjedd ute i hagen hans.
Glad, men rasande
Han er glad for at det enno fins så hjelpsame og snille folk som Atle Antonsen. Stabæk rosar Antonsen opp i skyene.
– Heile jobben med å fjerna snøen tok Antonsen knappe fem minutt, medan han som laga «blokaden» i hagen min brukte minst 30 minutt, fortel Stabæk.
Han veit ikkje heilt om han skal vera glad eller rasande.
– Eg er sjølvsagt glad for den jobben Antonsen gjorde for meg, men Statens vegvesen har eg ikkje mykje til overs for, seier han.
– Som ein svenske sa til meg ei gong;: Noreg er den siste kommuniststat. Han er eg samd med, seier Stabæk.
