Levande bjørk i vinterkulda
Det er 25 minus og sylklar morgon ved Djukastein på Bulken. / Les saka
Ulvik avsluttar arbeidet med å få etablert eit rehabiliteringssenter. Arkivfoto: Sigrid Seim
Ulvik skrinlegg rehabiliteringssenter
Publisert: 17.12.09 kl. 13.12
Skribent: Sigrid Seim
E-post: ss@avisa-hordaland.no
ULVIK: Ulvik avsluttar arbeidet med å få etablert eit rehabiliteringssenter, og engasjerer i staden Lars Sponheim til å arbeida med å skaffa annan aktivitet på Skeie-tomta.
Heradsstyret vedtok onsdag at prosjektet Gnist Hardanger vert avslutta. Prosjektet har samarbeidd med ei rekkje personar og institusjonar med sentral plassering i helse-Noreg. Det har likevel ikkje vore mogeleg å skaffa avtalar som sikrar ei inntekt som forsvarar dei store investeringane som venta.
Partnar gjekk ut
Alt i oktober konkluderte samarbeidspartnaren Oslo Næringseiendom AS med at prosjektet ikkje let seg realisera. Dei har trekt seg ut av samarbeidet, og Ulvik har kjøpt attende deira aksjar i selskapet.
Ulvik har no ei byggeklar tomt å tilby, med ei av dei flottaste plasseringane i fjord-Noreg, meiner dei. Heradsstyret har no godkjent at Lars Sponheim vert engasjert til å nytta sitt store kontaktnett til å vera med i arbeidet med å finna ein ny interessent til å nytta tomta. Prosjektet ser føre seg å arbeida innan eit konsept med opplevings- og livsstilsprofilering. Gnist Hardanger kan dermed leva vidare, meiner dei.
Engasjerer Sponheim
I vedtaket som heradsstyret gjorde onsdag vert Lars Sponheim engasjert som konsulent i perioden januar – mai neste år, for å marknadsføra tomta og tankane Ulvik har om utnyttinga av dette området.
Heradsstyret gav løyve til å bruka overskytande midlar frå Gnist Hardanger-prosjektet i 2009, til arbeid i 2010, med inntil 500.000 kr.
