annonse

Vart fråteken førarkortet etter trafikkulukke i Eidfjord

ULUKKESSTADEN
ULUKKESSTADEN: Halne i Eidfjord (Foto: vegvesen.no)

Den eine sjåføren er fråteken førarkortet etter trafikkulukka i Eidfjord tysdag føremiddag.

Lars Olve Hesjedal

Ulukka skjedde ved Halne Fjellstove, 150 meter frå grensa til Buskerud.

- Ein bil vart påkøyrd bakfrå då sjåføren skulle svinga av vegen. Sjåføren i den bakarste bilen er fråteken førarkortet fordi han ikkje var merksam nok, og ikkje passa på å halda avstand til bilen framføre, seier politibetjent Vegard Røthe ved Voss lensmannsdistrikt.

Det var tre personar i den eine bilen og fire i den andre.

- Ein person vart køyrd til Voss sjukehus for sjekk. Alt ser ut til å ha gått bra, legg Røthe til.

Sjuketransporten skjedde i drosje.

Begge bilane fekk seg ein god smell i sida i samband med kollisjonen, og vart henta av bilbergar.

Politiet melde om saka klokka 12.46 tysdag.

Klikk for å se kommentarer ()

Her kan du fritt koma med synspunkt og informasjon. Me krev fullt namn. Då vert det meir interessant for andre å lesa det du skriv. Trakassering, trugslar, hatske meldingar eller reklame vert ikkje akseptert på avisa-hordaland.no. Falske profilar vert utestengde. Ver sakleg og vis respekt når du kommenterer.

annonse