Levande bjørk i vinterkulda
Det er 25 minus og sylklar morgon ved Djukastein på Bulken. / Les saka
KULTURSCENE: Hans Erik Ringkjøb vil gjerne at kommunen skal hjelpa til med å sikra ei framtid for Fraktgodsen, men responsen i formannskapet var ikkje overveldande. Arkivfoto: Tor Halvorsen
Vil vera diskusjonspart
Publisert: 06.02.10 kl. 14.48
Skribent: Anne Rivenes
E-post: ar@avisa-hordaland.no
VOSS: Kommunen vil ikkje sitja i førarsetet for kulturhuset Fraktgodsen, men kan vera med å diskutera gode idear.
Hans Erik Ringkjøb tok opp spørsmålet om framtida for Fraktgodsen i formannskapet torsdag. Det er uvisst kva som vil skje med Fraktgodsen når leigeavtalen mellom Fleischer's Hotel og Rom Eigedom går ut i vår.
– Fraktgodsen er ein folkekjær stad, det veit me alle. Spørsmålet er om me skal la det vera opp til andre, eller om det finst andre måtar å tenkja på. Me kan ikkje ta største børa, men bør diskutera om me eventuelt skal vera fødselshjelp, sa Hans Erik Ringkjøb (Ap).
Ordførar Gunn Berit Lunde Aarvik er skeptisk til at kommunen skal forplikta seg til noko i høve Fraktgodsen, fordi kommunen har sitt eige kulturhus å tenkja på og fordi kommunen har økonomisk ansvar for ei rekkje lovpålagde oppgåver.
– Me har byrja ein diskusjon om stasjonsområdet, der Rom Eigedom er med. Då vil me drøfta bruken av heile stasjonsområdet, som Fraktgodsen er ein del av, sa ordførar Lunde Aarvik.
Leif Arne Vangsnes (Frp) var ikkje klar for ei drøfting av Fraktgodsen, medan Torstein Gunnarson (V) tykkjer det er naturleg å gje signal om at kommunen gjerne vil vera partnar i ein diskusjon – utan at dei «gifter seg» med ein eller annan part.
