Farne tider - 13. mars
Biletet er frå bryllaupet til Elisabet Prestegard Nyre og David Sausjord i 1928. / Les saka
PÅ OFFENSIVEN: Voss Sparebank, her representert ved banksjef Kjell Jostein Bø (t.h.) og Arne Morten Lirhus, ynskjer å kjøpa seg opp i Vekselbanken, eit steinkast unna bak dei. ARKIVFOTO: TOR HALVORSEN
Voss Sparebank vil kjøpa seg opp i Vekselbanken
Publisert: 16.12.09 kl. 10.45
Skribent: Tor Halvorsen
E-post: th@avisa-h.no
Voss Sparebank ynskjer å kjøpa inntil 20 prosent av aksjane i Vekselbanken. Men forretningsbanken avviser konkurrenten.
I fylgje ei pressemelding har Voss Veksel- og Landmandsbank i dag fått melding frå Kredittilsynet om at Voss Sparebank på visse vilkår har fått løyve til å erverva inntil 20 prosent av aksjekapitalen i banken.
Har alt avvist Sparebanken Vest
Men vedtektene i Vekselbanken hindrar at nokon kan ha meir enn ti prosent eigarskap. Ved fleire høve i haust har styret i banken handsama ei liknande sak der Sparebanken Vest har prøvd å kjøpa seg opp i banken.
At konkurrenten 100 meter lenger vest på Vangen no prøver å kjøpa seg opp i Vekselbanken, er ei ny vending i saka.
Vil ikkje endra eigargrensa
Fungerande banksjef Einar Larsen seier i pressemeldinga at styret sin strategi med at Vekselbanken skal vera ein fri og sjølvstendig bank med spreidd eigarskap og sterk lokal forankring står fast.
Styret vil difor ikkje fremja forslag om slik endring av eigargrensene.
