annonse

VossaRudl’n for 16. gong

VOSSARUDL’N
VOSSARUDL’N: På laurdag vert VossaRudl’n arrangert for 16. gong på Voss. Biletet er frå arrangementet for nokre år sidan. (Foto: Sara Finne/Arkiv)

På laurdag er det klart for Vestlandet sitt største veteranbil-arrangement på Voss.

Marita Saue Hamre

VossaRudl’n er eit turløp for veterankøyretøy, og til saman er det påmeldt 400 deltakarar som anten er sjåførar eller passasjerar på veteranbilane.

– På laurdag kan publikum blant anna få sjå ein Buick 1910-modell, seier arrangørane Terje Olsen og Ruth Kristin Trå.

Det er meldt på om lag 39 bilar frå førkrigstida.

– Det er veldig kjekt å sjå at så mange vil vera med. Bilane frå førkrigstida var ofte enklare utstyrte enn bilar som vart laga etter krigen, og det kjem me til å sjå på laurdag, fortel Olsen.

Elles lovar arrangørane god stemning.

– Det blir flott natur, gamle vegar og smale tun.

Rundtur på Voss

Turen går på smale bygdevegar på Ullestad, Finne, rundt til Lundarosen med lunsj på Istad.

– Etter lunsj og marknad på Istad går turen vidare til Tjukkabygda, Tøn, Kløve og til slutt til Stalheim, seier Trå.

Og for dei som torer å køyra Stalheimskleiva, er det mogleg å sjå veteranbilane oppover svingane.

– Me er glade for at me har fått løyve til å køyra Stalheimskleiva opp denne gongen, fortel arrangørane.

Publikum med flagg

Oppmodinga frå Olsen og Trå er at publikum rundt i gatene tek med seg stolane ut i vegkanten, og ser på veteranbilane.

– Arrangementet er til for å visa fram gamle bilar, og desto kjekkare er det for bileigarane å visa fram bilane til publikum langs vegen.

Bilane startar omkring 10.30 frå plenen ved Fleischer's laurdag.

Klikk for å se kommentarer ()

Her kan du fritt koma med synspunkt og informasjon. Me krev fullt namn. Då vert det meir interessant for andre å lesa det du skriv. Trakassering, trugslar, hatske meldingar eller reklame vert ikkje akseptert på avisa-hordaland.no. Falske profilar vert utestengde. Ver sakleg og vis respekt når du kommenterer.