Tur frå Finden til Solrenningen
Finden er ein liten idyll på sørsida av Sognefjorden. / Les saka
Arkivfoto: Daniel Melve Kvarme
Vossingar markerte seg under Acro-konkurransane
Publisert: 05.07.10 kl. 18.07
Skribent: Torunn Todal Laberg
E-post: ttl@avisa-hordaland.no
EKSTREMSPORT: Voss Hang- og Paragliderklubb er svært nøgde etter Acro-konkurransane under Veko.
Acro-konkurransane var i år delte i to, med ein noregscup og ein nordisk meisterskap.
Meisterskap og cup
Den nordiske meisterskapet vart dominert av utanlandske pilotar, og Francois Ragolski stakk av med førsteplassen. På andreplass kom Pal Takats og på tredje Gill Schneider.
Men i noregscupen var det vossingane som gjorde det best, og landslagspilot Ove Tillung tok ein klar siger. På andreplass kom Kjartan Andvik, medan Pål Hammer Rognøy tok tredje.
Expression session
Erlend Rongen frå Voss Hang- og Paragliderklubb fortel at årets Expression session elles var ein stor suksess.
Expression Session er ei eiga konkurranseform, der paragliderpilotane hoppar ut frå eit helikopter med skjermane pakka på ein bestemd måte. Skjermane skal etter planen løysa seg ut i lufta, og det var berre Kjartan Andvik som til sist måtte ty til naudskjermen for å koma seg trygt ned på landjorda igjen.
– I denne tevlinga er det elles publikum som bestemmer vinnaren, og i år var det vossingen Anders Ringheim som vart oppfatta som den med mest spektakulære triks. Ringheim er også landslagspilot, fortel Rongen.
Voss Hang- og Paragliderklubb nyttar elles høvet til å takka alle sine frivillige for strålande innsats.
