Avisa Hordaland

Publisert: 15.12.09 kl. 07.37
Skribent: Frode Rene
E-post: fr@avisa-h.no

VM i «heimabrygg» vart avvikla på Rongastovo i helga. Det var langt mellom vossingane på resultatlista.

– Eg tykkjer det var svak deltaking av Vossingane i år, seier initiativtakar av VM i «heimabrygg» Odd Himle.

 Skapa større interesse

For seks år sidan fekk han i gang den uhøgtidlege konkurransen om kven som laga best øl.

– Det er kunst som har gått i generasjonar i meir enn 10.000 år, fortel ein entusiastisk Himle. Han likte dårleg at vossingane ikkje greidde hevda seg mellom dei tre beste i år. Både sogningar og bergensarar slo vossingane ned i sokkane på Rongastovo laurdag kveld.

No vonar Himle på større deltaking og revansj av vossingane til neste år.

Dommarane

Det er ikkje berre det å laga ølet som er ein kunst, også det å vera dommar er ein kunst og krev ein følsam gane.

Difor sat det fem kunnskapsrike dommarar og smaka seg fram til det beste brygget. Bakgrunnen deira var allsidig.

Torgils Rongve (ekte bordøling), Hannah Wood (lærar Jordbruksskulen Aurland)

Frank Rørlien ( Fabrikksjef på Hansa. Tidlegare Bryggerimeister i same verksemd)

Wigdis Espeland Jondal( førsteamanuensis ved Universitetet i Bergen. Ho er oppteken av mat og drikketradisjonar.)

Sjur Nesheim, Granvin,  tidlegare gardbrukar kultur og bryggjemann.

Positive tilbakemeldingar

Odd set stor pris  på at bryggjarane stør opp om arrangementet. Han tykkjer det er bra at bryggjarane gjev tilbakemeldingar på at opplegget er bra.

– Då har me i alle høve oppnådd noko med dette, seier ein godt nøgd Odd Hime.

 Her er dei ti beste under årets VM i «Heimabrygg»

1. Bjelde Gard, Sogndal
2. Hordamuseet, Bergen
3. Per Dale, Flåm
4. Lønavatnet og omegn heimebryggjarlaug, Voss
5. Jan Gunnar Vaage, Samnanger
6. Olav Nygård, Lofthus
7. Stølesmauet ølbryggerlag, Bergen
8. Ekspedisjonen bryggeri, Lofthus
9. Myragubbens jolaøl, Voss
10. Jan Skorve, Voss

Interaktivt