Voss vann 3. divisjonsoppgjeret mot Thomas Solberg og Bergen Nord med solide 6-0. Og arkitekten bak sigeren var Maid Memic. Etter eitt minutt fosserte han forbi fleire forsvarar, runda sin gamle lagkompis Thomas Solberg og sette ballen trygt i nettet og skåra sitt 10. mål på fem kampar. Ein halv time seinare auka toppskåraren leiinga på fantastisk vis. Roald Underdal serverte eit flott forarbeid og la inn til Maid Memic som skaut på direkten frå 8-9 meter, knallhardt og velplassert. Tre minutt før pause skåra Maid Memic sitt 12 mål på fem kampar og sitt andre ekte hattrick for sesongen. 3-0 sette han inn på straffe etter at Stig Arne Brunborg vart lagt i bakken. Thomas Solberg kasta seg til eine hjørnet, Maid Memic sende ballen i andre hjørne.

I 2. omgang skåra ikkje målkongen, men han serverte målgjevande pasning både til 4-0, då han var på veg gjennom, men valde å sende ballen ut til Eirik Een, som skåra sikkert frå 8-9 meter. Og til 5-0, då Memic la hjørnespark ut til ein umarkert Olav Skjeldal, som sende eit kanonskot i mål frå 15 meter. Innbytar Vegard Skjoldli skåra kampens siste mål like etter at han kom inn i 70. minutt.