Tur frå Finden til Solrenningen
Finden er ein liten idyll på sørsida av Sognefjorden. / Les saka
FEMDOBLING: I vinter hadde Voss Fjellandsby 3.500 gjester på det meste, og totalt kaos i trafikken. No ynskjer Nils Akselberg seg fire gonger så mange gjester! SJUR HERRE | foto
Heile Voss på ski i Myrkdalen
Publisert: 13.11.08 kl. 19.48
Skribent: Rolf Tepstad
E-post: rt@avisa-hordaland.no
Innan 15-20 år skal Voss Fjellandsby ha kapasitet for 14.000 gjester i alpinløypene.
Desse dristige vyane kom fram i formannskapet torsdag, då Nils Akselberg presenterte konklusjonane frå den nye kommunedelplanen for Myrkdalen..
Startdato: 18. desember
- Alle innbyggjarar i Voss kommune skal med andre ord kunna stå på alpinski i Myrkdalen, samstundes?
- Jadå, det er planen. Og det trur me på, seier Voss Fjellandsby sin daglege leiar til «Hordaland».
Framlegget til kommunedelplan er ikkje heilt i mål enno, Akselberg reknar med å kunna levera dokumentet til administrasjonen i Voss kommune kring 1. desember. I så fall kan den politiske handsaminga starta alt på formannskapsmøtet 18. desember, har han fått lovnad om.
Og det er ikkje småtteri av vyar innbakt i denne planen, fekk formannskapet vita, då Akselberg letta på sløret torsdag.
19.000 gjester dagleg
- Ser me heile Myrkdalen under eitt, vil me leggja opp til 2.600 einingar i alt, når hytter, fritidsbustader og anna er rekna saman. Dette skal gje ein plass tett oppunder 14.000 senger totalt, sa Akselberg, medan politikarane trekte pusten.
- Totalt vil me dermed kunna ha opp mot 19.000 gjester i Myrkdalen på ein og same dagen. Så mange vil me ha kapasitet for, med Myrkdalstunnelen på plass og dei nye parkeringsplassane som er planlagt. Dette realistisk. Om ikkje i dag, så i ei ikkje alt for fjern framtid. Lat oss seia i eit 20-års perspektiv!
- Godt med litt Beatles-musikk her i salen, var Atle Bilsback (Ap) sin kommentar. - No har me alt for lenge berre høyrt Skjebnesymfonien!
