Tur frå Finden til Solrenningen
Finden er ein liten idyll på sørsida av Sognefjorden. / Les saka
KULEJENTER: Kari Traa Skilag står for laurdagsunderhaldninga kl. 18.30 fire veker framover. Vossajenta Gunnhild Rokne Altenau (liggjande framme i midten) er forteljar i serien. FOTO: NRK
Kulejenter med premierenervar
Publisert: 23.10.08 kl. 00.10
Skribent: Ørjan Brattetveit
E-post: obr@avisa-hordaland.no
Fire veker framover vil Gunnhild Rokne Altenau frå Voss vera ein del av laurdagsunderhaldninga på NRK1.
Eg både gler og kvir meg til serien startar på laurdag, seier jenta som snart fyller 16 år.
Serien «KuleJenter» startar førstkomande laurdag kl. 18.30 på NRK1. Serien fylgjer Kari Traa Skilag gjennom to år, frå etableringa i 2006, på samlingar og på renn både i Noreg og i utlandet og fram til avslutninga av Nordisk cup vinteren 2008.
Gunnhild er i dag einaste vossajente som er med på laget, men fleire av jentene går på toppidrettslina på Voss Gymnas. I alt er det 15 jenter på laget.
Forteljarrøysta
Gunnhild er forteljarrøysta under serien.
Klikk her for å sjå "teaser" frå NRK om den nye serien
– Eg har sett alle fire episodane på førehand, og eg trur absolutt det vert god underhaldning, spesielt for dei yngste. For min del synest eg det er nokre scener tvfolka kunna ha kutta ut, seier Gunnhild og byrjar å le.
Ho vil ikkje fortelja meir om desse scenene. – Talentfull Kari Traa dukkar sjølvsagt opp på TV-skjermen titt og ofte i desse programma.
– Dette handlar om jentene, ikkje om meg. Men eg er jo med, smiler Kari Traa og er rask med å rosa Gunnhild Rokne Altenau.
– Gunnhild er jo reine skodespelaren. Det var NRK-folka som valde henne som forteljar. Ho er alltid blid, har humor og så har ho vossadialekt.
