Levande bjørk i vinterkulda
Det er 25 minus og sylklar morgon ved Djukastein på Bulken. / Les saka
FAST SURFEPUNKT: 44 prosent av alle vossingar sjekkar no «Hordaland» si heimeside regelmessig, viser ei måling frå Respons. Sida er dermed meir populær enn vg.no. FOTO: DANIEL MELVE KVARME
Større enn VG på nett
Fleire vossingar slår opp «Hordaland» si heimeside på internett enn VG si, viser ei fersk måling frå Respons Analyse.
Og vg.no er i fylgje ulike målingar heimesida med størst trafikk totalt i Noreg.
Av 600 spurde vossingar (over 18 år) svara 44 prosent at dei hadde vore innom heimesida vår siste to dagar. VG skåra til samanlikning 40 prosent. Me sjekka også trafikken på to andre lokale heimesider, og oppdaga at Svein Ulvund er langt meir populær enn Voss kommune. Heile 23 prosent av dei spurde hadde vore innom Ulvund-sida, medan berre 14 prosent hadde søkt kommunal informasjon dei same to dagane.
Ved ei tilsvarande måling i 2007 var det berre 17 prosent som hadde sjekka «Hordaland» si heimeside dei siste to dagane. Utviklinga har såleis gått i rakettfart.
Vår ferske måling viser i tillegg at internett er kome til dei aller fleste heimane på Voss. Totalt har no 86 prosent av dei spurde heime-pc med nett-tilgang, dei 14 siste prosentane er stort sett å finna i aldersgruppene over 60 år.
Ved ei tilsvarande måling i 2007 hadde 77 prosent internett i heimen. Den gong hadde mindre enn annankvar vossing på over 60 år eigen pc. Det er såleis her i eldste alderssjiktet den store endringa skjer.
