Vegtrafikksentralen meldte sundag om lange køar på Hardangervidda. Sundag er siste dagen i vinterferien til bergenserane, mellom anna.
Sundag morgon vart det innført kolonnekøyring på riksveg 7 over Hardangervidda. Årsaka var at det var snøfokk, tåke og dårleg sikt i området, i fylgje Vegtrafikksentralen.
Lang ventetid
Ventetida var opp mot 5 timar på det meste. Vegen opna att for fri ferdsle like før klokka 16 sundag, melder Vegtrafikksentralen på Twitter.
– Me forventar at trafikken vil auka utover dagen. Det er slutt på vinterferien og heimfartsdag, seier Ronny Sleire, trafikkoperatør i Statens vegvesen til Bergens Tidende.
Andre fjellovergangar opne
Dei andre fjellovergangane er opne sundag.
Du kan halda deg oppdatert på status på fjellovergangane her.