NOMINERT: I sommar var Morten Svartveit med på Husmann-framsyninga i Kvemmadokkje. I tillegg til å ha hovudrolla i lagnadsdrama, Sigd på Det Norske Teatret, har han blitt fast tilsett på teateret. Foto: Lina-Maria Rolland

Her er dei ti nominerte til Årets namn 2019

Med hjelp frå lesarane har Hordaland plukka ut ti nominerte til Årets namn for 2019.

I tida fram til torsdag 19. desember kjem Hordaland til å presentera to og to nominerte på nett og i papiravisa.

Dei to fyrste ut er Hege Eide Vik og Morten Svartveit.

Hege Eide Vik vart historisk då ho vart vald som den fyrste kvinnelege ordføraren i Vaksdal kommune i oktober i år. Ho er i tillegg den fyrste ordføraren frå Senterpartiet. Ho har vore sentral i arbeidet om å få Vaksdal til å bli ein syngjande kommune.

NOMINERT: Hege Eide Vik vart historisk då ho vart vald som den fyrste kvinnelege ordføraren i Vaksdal kommune i oktober i år. Ho er i tillegg den fyrste ordføraren frå Senterpartiet. Foto: Marita Saue Hamre

Morten Svartveit har i løpet av året dukka opp fleire stader. I tillegg til å ha hovudrolla i lagnadsdrama, Sigd, på Det Norske Teatret, har han blitt fast tilsett på teateret. Han var med i siste sesong av teaterstykket Heim på Hordaland teater, og i sommar var han også med på Husmann-framsyninga i Kvemmadokkje.

Dei ti nominerte til Årets namn

I tillegg til Hege Eide Vik og Morten Svartveit er desse nominerte til Årets namn:

Anny Forthun

Sjur Røthe

Kjetil Kriken

Øyvind Wæhle

Torunn Hovland Ljone

Artikkelen held fram under annonsen.

Jostein Finne

Vigdis Reisæter

Ruth Lillegraven

Slik stemmer du på din favoritt

Du kan anten senda mail til namn@avisa-hordaland.no, senda ei privat melding på Facebook-sida vår eller stemma ved bruk av kupongen frå papiravisa.

Hordaland tek imot stemmer fram til 19. desember ved midnatt.