HØGT OPPE: Myrkdalen Fjellandsby As har til no fått mest av alle lokale i april Myrkdalen hotel toppar lista for mars, men har enno ikkje fått midlane for april. Foto: Rune Slettemark

Myrkdalen Fjellandsby på kompensasjonstoppen for april

Myrkdalen Fjellandsby AS har fått 428.988 kroner i kompensasjonsmidlar for april. Framleis er mange søknader for mars under behandling.

1 066 155 053 kroner var per 22.5 utbetalt i kompensasjonsmidlar for mars månad i Noreg grunna koronakrisa. For april er det til no utbetalt 277 203 196 kroner.

For april har til no Myrkdalen Fjellandsby AS fått mest utbetalt med 428.988 kroner. Same selskapet frekk for mars utbetalt 368 921 kroner, og har dermed til saman fått nesten 800.000 kroner i statleg kompensasjon grunna koronakrisa.

Les også
Wæhle skuffa over kompensasjons-ordninga

Myrkdalen-trio

Med 1 215 903 kroner i kompensasjonsmidlar, er Myrkdalen Hotel As det vossafirmaet som har fått klart mest støtte til no for mars.

– Ja, det stemmer. For mars månad har me fått 1 215 903 kroner i kompensasjonsmidlar. Dette går til uunngåelege faste kostnader, sa økonomisjef Gro Hånes Lund til lokalavisa då hotellet fekk midlane for mars.

MARSTOPPEN: Myrkdalen hotel har fått mest av dei lokale for mars. Foto: Nils Petter Dale

Økonomisjefen søkte for tre selskap. Myrkdalen Hotel, Myrkdalen Fjellheisar As (288 711 for mars) og Myrkdalen fjellandsby.

– For april månad reknar eg med at me vil ta imot meir støtte enn i mars. I april hadde me ein omsetningsnedgang på 97 prosent, sa Hånes Lund.

Kompensasjonsmidlane er rekna ut ifrå uunngåelege faste kostnader.