23 POSITIVE: Sidan onsdag før påske er det registrert 23 med korona i Kvam herad. Ti av dei er konstaterte i dag, tysdag. Foto: Colourbox

Fryktar villsmitte i Hardanger: – Utbrotet har eskalert

10 nye smittetilfelle er registerte i Kvam tysdag. Desse kjem i tillegg til 13 som har vorte registert smitta sidan førre onsdag, skriv Hordaland Folkeblad.

– Utbrotet i Kvam herad har eskalert, og me er bekymra for at det kan vera villsmitte i samfunnet, seier Kvam-ordførar Torgeir Næss til VG.

Dermed er Voss sin nabokommune i Hardanger hardt råka.

Dette gjer at Kvam herad strammar skikkeleg til i smittevernet. Etter eit møte i den kommunale kriseleiinga måndag, vart det bestemt at Kvam innfører strengare reglar enn dei nasjonale, skriv Hordaland Folkeblad.

IDYLL: Kvam er vanlegvis ein idyll - her frå Fonnaland utover mot Kvamsøy i Hardangerfjorden. Men no fryktar ordføraren villsmitte i det vakre heradet i Hardanger. Foto: Geir Geitle

23 nye den siste veka

Arrangement og innandørs treningar er forbodne, skular og barnehagar er på raudt smittevernnivå. Og bruk av munnbind er påbode i ein del situasjonar.

– Nokre av smittetilfella er kjende nærkontaktar, andre har ukjend smitteveg. Smittesporingsarbeidet er i gang, skriv Hordaland Folkeblad og viser til pressemeldinga frå heradet.

– Urovekkjande

Ordføraren omtalar situasjonen som «urovekkjande» overfor VG

– Me hadde eit betydeleg utbrot i starten av februar i samband med utbrotet i Ulvik. Då kjente me derimot til smittevegane. Det gjer me ikkje no, seier Torgeir Næss til VG.

Les også
Anders og kollegaene hjelpte sju bilar ned frå Vikafjellet: – Folk hadde nok ikkje sett vêrmeldinga
Les også
Snøkaos på E16 tysdag morgon – tre personar til sjukehus etter to ulukker