– Temperaturen er forventa å stiga frå i morgon av. Sola som har kikka fram i dag, vil forsvinna, og helga vil bestå av grått og tungt vêr, seier vakthavande ved meteorologisk institutt, Geir Ottar Fagerli.

Glatte parti i vegbana

– Innover mot helga vil temperaturen liggja på rundt tre til fem grader, seier Fagerli.

Grunna minusgrader i kveld og i natt kan det vera fare for nokre glatte parti i vegbana fredag morgon.

– Eg er ikkje så bekymra for at det vil oppstå store utfordringar, og det ser ut til at overgangen frå minusgrader til mildare temperatur vil gå ganske bra, seier han.

Vinden som har vore, vil truleg roa seg utover ettermiddagen.

– Det er forventa at fjellovergangane vil få betre vêrforhold innover mot helga, og problema som no har vore vil forsvinna i løpet av kvelden.