Ta turen tilbake til Voss!

Voss Cup er ei stor oppleving for deg som deltakar og deg som er med rundt laget. Voss Cup er også veldig stort for heile den flotte bygda vår. Denne helga doblar me folketalet, og denne fotballfesten er eit høgdepunkt for små og store!

Men vene Voss er så mykje meir enn Voss Cup. Difor ynskjer me gjerne deg som besøkande på Voss Cup; velkomen tilbake til oss! Voss Cup har mange gode samarbeidspartnarar som er med på laget vårt. Saman med dei har me gleda av å tilby alle spelarar eit aktivt og unikt aktivitetskort, slik at du kan få kome tilbake igjen og oppleva litt av det Vossabygda har å by på!

Sjå berre her kva du som deltakar får:

Myrkdalen Fjellendsby: Vinterstid er det skiglede som er i fokus hjå Myrkdalen Fjellandsby, med familievenlege og varierte bakkar, løyper og parkar. Sommarstid kan du ta Myrkdalsekspressen og bli frakta opp på fjellet. Herifrå kan du gå opp til Finnbunuten og nyta utsikten, eller ta turen ned til Fjellstova Vetlebotn for ein god lunsj. Velkomen, anten du kjem på dagstur eller vil overnatta på Myrkdalen Hotel.

Fleischer's Hotel er et moderne hotell, som er rikt på tradisjonar. Hotellet stod ferdig i 1889, bygd i sveitsarstil. Det blei raskt ettertrakta blant turistar, mykje på grunn av byggestilen. Det er eit unikt hotell, kjent for sin ærverdige atmosfære, storslagne spisesal og imøtekomande vertskap. Hotellet har eit basseng, der deltakarar på Voss Cup kan få seg ein dukkert. Hugs å tinge time på førehand.

Artikkelen fortsetter etter annonsen.

Voss Active tilbyr blant anna både familierafting og klatrepark. Familierafting er perfekt for familiar med born, skuleklassar og idrettslag der ein er under 15 år – og for dei som trur Strandaelva blir for tøff. Voss klatrepark ligg i naturskjønne omgjevnadar like ved Strandaelva i Åsbrekkegjelet. Løypene er varierte, morosame og utfordrande for både born og vaksne. I parken er det to store løyper og ei ziplineløype for dei over 140 cm. Du finn også over 23 element, pluss fire ziplinar fordelt på fire små løyper for dei over 100 cm.

Vossabadet: Det største bassenget vårt er treningsbassenget, som er 25 meter langt og held internasjonal konkurransestandard. Med seks symjebaner er det god plass til både mosjonistar og aktive symjarar. Her legg me ut den kjekke hinderløypa vår i helger og feriar! Det karakteristiske stupetårnet i Vossabadet har eit eige stupebasseng knytt til seg. Her kan du hoppa frå ein, tre og fem meters høgde.

Voss Resort er eit av Vestlandets største skisenter. Her finn du heile 40 km med preparerte løyper for alle nivå i tillegg til fleire spennande off-piste område, og eit av dei aller beste kvelskøyringstilboda i Europa. Med Voss Gondol kjem du deg direkte frå togstasjonen og opp til skianlegget på under ni minutt!

Med dette vil me takka dykk alle for at de kom til Voss Cup 2022! Me er veldig glade for at de kjem hit år etter år! Me startar snart med planlegginga av neste års cup, og håpar me ser deg der!

01.11.22 opnar me påmeldinga, og alle som melder seg på før 24.12.22 får nytte seg av vårt early bird-tilbod. I år fekk alle som meldte seg på før 24.12 gratis dagskort i Voss Resort og Myrkdalen Fjellandsby. Følg Voss Cup på Facebook og sjekk ut heimesida vår Vosscup.no, slik at du får med deg kva neste års early bird-tilbod vert!

Og merk datoen:
16.-18. juni 2023!

Ha ein strålande cup, og velkomen tilbake til Voss og Voss Cup!